VIROZE NA PRAIA

Na praia sta kontisi um kuza stranhu ki ningem ka sabi splika é kuzé. Algém ta fika duenti, ku vomito, dor na garganta, dor na korpu, dor na odju, dor na kabesa, kansera, sintomas di gripe ma afinal é ka gripe, nem gripe A, ainda bem. Kada um ta tem um sintoma ou varios. Oji n’fala ku kintu pesoa ki panha kel virozi ki sta ateroriza Praia. N’ta fla ateroriza pamo gentis ta fla me tem sintomas orivel y ma nem gentis di saúdi ka sabi fla dretu é kuzé. Dja sta fladu ma sta surtu di dengue. É presizu txeu kuidadu pa kaba ku kontaminasom y pa ka tem vitimas. Kuze ki tem stadu ta fazedu a nivel sanitáriu y di informasom? N’tem informasom ma radiu sta previni y konsedja, ya na zonas ku maz problemas sanitarius sta fazedu dezinfetasom. Tem algem ki sta fla ma nada ka sta fazedu. Uniku serteza é ma sta txeu algem ta panha kel virus.