SAKUDIM ALAM TA BEM

Kabuverdianu gosta fazi trosa. Ka ta leba kuzaz a seriu. kel "gripe" ki sta panha tudu algem dja podu nomi. "Sakudim Alam ta Bem". Pior é ki na notisis y informasom na radiu. Ta anúnsiadu ku kel nomi la pa gentis sabi di kuze ki sta faladu. Dipoz di tantu tempu pasadu ku munti algem kontaminadu ku kel virus stranhu, ministeriu di saudi dja bem fla me um tipo di dengue, dipoz di risebi rezultadu di analizi ki mandadu fazi na Senegal, sim pamo noz tera ka tem um laboratorio virolojiku. Um pesoa ta fika infeadu ku um virus kualker (pur izemplu, Gripe A), ta tradu sangi y ta mandadu kel amostra pa Senegal pa fazi análize. Dipoz ki kel analizi bem, alguns dias, ki ta sabedu rezultadu. Portantu kel surtu di "Sakudim Alam ta Bem" dja staba ta kontamina munti algem dentu kapital timenti ministeriu sta speraba rezultadu di analizi txiga di Senegal. Ainda bem ki dja fladu ma sta bem podu um laboratorio di analize virolojiko pa kaba ku dependensia di Senegal. N ta spera. Ma virus nau.