7 DI JULHO DI 2008

Dja nu kumimora maz um anu di independencia, 5 di Julho, 33 ano lider di noz distinu. Ma hoji é dia 7, paxenxa data di independencia gosi ta passa nem nka ta da conta. Parcem ma nstaba maz ansiosu dia 4 di Julho sabendu ma kelotu dia era 5 di Julho, DIA DI INDEPENDENCIA. Ki ta conta é ki la dentu é sempri 5 di Julho. Tudu dia é 5 di Julho. Lutado pa nu ser independenti, lutado pa nu vivi midjor sima nu ta kré. Lutadu pa noz povu tem orgulhu na fla AMI É CABOVERDIANU. AMI É AFRICANU. Lutadu pa nu podi skodji kenha ki ta governanu na som di dimocracia. VIVA CABO VERDE. VIVA CABRAL. VIVA COMBATENTIS DI LUTA. VIVA 5 DI JULHO.

NA SOM DI DIMOCRACIA

É NA SOM DI DIMOCRACIA KI NTA VIVI
É NA SOM DI DEMOCRACIA KI NTA EXPRIMI

33 ANO DI IDADI SIMA DI JESUS
MA NOZ DISTINU N TEM FÉ
MA KA TA TERMINA NA KRUZ
KU KINZI ANU DI IDADI NU FINKA PÉ
PA DEXA KADA UM POI SI KRUZ
KADA UM KU SI KONSIENSIA KU SI FÉ
PAMO NU SKODJI VIVI KU MAZ INDEPENDENSIA
CABRAL KU NOZ KOMBATENTI DJUDANU
KU SOL, SUOR VERDI I MAR EZ DANU
RAZOM PA NU SER LIVRI
GOSI É KADA UM KI TA DISIDI
MO KI NU KRE VIVI
NA SOM DI DEMOKRASIA
É LA KI NU TA SABI
KENHA KI NU KRE PA BEM DIRIJI
NA SOM DI DIMOKKRASIA
NU KA TA FICA KALADU
GOZA BU LIBERDADI MA KA BU SER ABUZADU
NA SOM DI DEMOKRASIA
LI É NOZ KI TA MANDA NA STADU
KEL KI NU POI E KEL KI NU TA TRA
FICA SENTI UNDI KU TA POI KA BU STRESA
FAZI KEL KU FAZI É BU KRUZ KU TA KARREGA
TUDO DJUNTU NOZ É FORTI
MA KADA UM POR SI NOZ É FRAKU
NA SOM DI DIMOKRASIA
UM TA FAZI TUDU TA PAGA
NHA KAMPANHA KA TEM PROMESA
DA BU KANETADA MA KU KARTA RIBA MEZA
KA BU SKESI MA NU STA NA MESMU SAKU
BASTA UM STRAGADOU PA NOZ TUDU FIKA KONDENADU